Tetaat kong’alal Senate akobo Governor nebo Kiambu Ferdinand Waititu

Weksei Bunge nebo Senet eng atebosiek chebo bo kotugul tarik 21 arawanito.

Kong’ong kandoindetab che chang eng bunge nebo Senate ne kora ko Senata nebo Elgeiyo/Marakwet Kipchumba Murkomen kole weksei poisiet Senet asikong’alale kakwoutiet ne kiib MCAs chebo Kiambu kosirto Motion nebo istoetab Governor nebo County inoto Ferdinand Waitutu eng poroindonyi.

Kong’ololchin siriikab logoiywek eng koriikab bunge Murkomen.

Kisirta baruet Waititu koityi Speaker nebo Senet Ken Lusaka konerekyin istoenyi eng mwaet kole kiisirto Motion MCAs chebo Kiambu eng oret ne manomegei ak ng’atutik ole mochei Senate kotonon kakwoutionoto asi making’em imandanyi.

Kiisirto County Assembly nebo Kiambu Motion nebo istoetab Waititu eng tarik 19 arawetab 12 kenyit ne kosirtoi kosupkei ak ne kikimwaitae lelutik che terchiin che boto poisiet neya nebo ofis.

Akot ko u noto k obo Senet tiletab let angot konyalu keisto Waititu eng kandoinatetab Governor nebo Kiambu anan acha.