Kabar chelesosiekab Al-Shabaab biik somok eng’ Garissa

Kaibokchi chelesosiek chekibwotyin ko kiboryotinikab Al Shabaab sukulit agenge eng county nebo Garissa ak kobeten sobonwekwak konetik 3 eng kebeberata.

Mwoe logoiwek kole kaibokchi kiboryotinikchoto eng karonetab raini Kamuthe Resource Centre ak kobar konetikchoto 3 ak kokoten lakwa agenge nemwaat kele kanyor kakotonetab risasiat.

Mwaat kele kabokchinonoto ko kakitokyin kiboitinik chemobunu kebeberatak ole kangem kora chelesosiekchoto bustaitab Safaricom eng kabokchinonoto kabo sait sisit nebo kemo asikoekchin raini.

Tesetai police ak operation kochenge chelesosiekchoto kaisuldaen kabokchinonoto.