Kakomwa Minister nebo somanet Prof. George Magoha kole maingelelchin boisiet Lecturers

Kakomwa Minister nebo somanet Prof. George Magoha kole yae kit agetukul serkali koker kole maingelelchi boisiet konetik chebo sukulisiekab barak eng emoni kongeten tarikit 20 arawanito bo January kosupgei ak netomo kisuldaen mogutikwak.

Kamwa Magoha kole tesetai eng inguni ngalalutik ak kandoikab konetikchoto bo sukulisiekab barak eng serkali eng nebo kecheng wolutiet kotinygei ak mogutikab konetikchoto bi sukulisiekab barak.

Kabiit nito eng kasarta nekokon kamuiset konetik chebo sukulishekab barak kole tau kangelelchinetab poishet kongete tarik 20 arawani kosupkei ak netomo kisuldae magutikwai.

Kosupgei ak sirindet neo eng kipagengeitab Universities Academic Staff Union (UASU) Dr. Constantine Wasonga ak nebo ngecheret Prof Muga K’olale ko ingelelchini poishet konetikchoto kosupkei ak netomo kosuldae serkali kayonchinetab Collective Bargaining Agreement (CBA) nekikinde siyeet eng arawetab 10 kenyit nekosirtoi.

Kosupgei ak Dr. Wasonga ko akot ingandan kikiyonchin kelibonchi konetikchoto bo sukulishekab barak silingishek Billion 13.8 kochobotin kotaach silingishek billion 8.8 eng inguni asi maingelelchi poishet.