Kikose eng raini eng kapkirwok nebo Milimani kesitab Mike Sonko

Kikose eng raini eng kapkirwok nebo Milimani eng taitab kirwokindet Douglas Ogoti sometab kebebertab prosecution nemochei kewirta bail nekikityaktaen gavana nebo Nairobi Mike Sonko eng mwaet kole maisub ngatutik chemitei bail inoto konkolewen deputy nenyinet.

Eng somet kobun Assistant Director nebo Public Prosecutions Joseph Irungu komoche DPP Nooridn Hajji kewirta bail inoto kosupgei ak kokowutionoto koib gavana Sonko kolewen deputy nenyin eng mwaet kole kikieten ine komatkorikta ofisitnyin ak kou noto komochei kerat gavana Sonko.

Kikitiakta gavana Sonko eng tarikit 11 arawetab 12 kenyit konye eng bail nebo silling million 15 ak kengat matkorikta ofis agoi kekas ak ketil kirwoket netinyegei ak nametab asoya eng betetab rabisiek silling million 357.

Eng konegit ko koikoito gavana Sonko neko Chief Officer nebo Disaster Management and Coordination eng county nebo Nairobi Anne Kananu Mwenda koitita taitab county Assembly nebo Nairobi komoche koik Deputy gavana nebo Nairobi.

Eng kasarata ko ititoi eng karonetab raini Mp nebo Gatundu South Moses Kuria asikirwokchi kotinygei ak nemwaat kele kiibokchi kwony agenge eng arawetab 12 kenyit konye.
Kokitiakta Kuri eng weekend nekosirtoi eng bail nebo sillimng 20,000 ole komitei kokerat eng ketesietab police nebo Kilimani.