Indochin eng raini minister Fred Matiangi tuiyet akobo ribsetab kalyet

Indochin eng raini minister nebo ribsetab kalyet eng emet orit Dr. Fred Matiang’i tuiyet neituitos afisaek cheechen chebo ribsetab kalyet eng emoni ole tetat kengalalen kotinygei ak ribsetab kalyet eng emet.

Tuiyonoto kiyoe eng makawet agenge eng county nebo Mombasa kobitu eng kasarta nekokotestai kobiit kabokchinosiek chekibwotyin kosuldaen chelesosiekab Al Shabaab eng emet missing ko eng komosta nebo North Eastern ole nebo konegit ko baretab konetik 3 eng county nebo Garissa.

Koisuldaen kora eng konegit kiboryotinikchoto bo Al Shabaab kabokchinet eng kampitab asikarikab luget nebo Cam Simba eng Manda Bay Lamu county ak kongem tuguk cheterter ak kobeten sobeet asikarindetab luget agenge nebo emetab Amerika ak kiboitinik alak 2 chebo Department of Defense eng emonoto.