Kurset eng serikali kokon walutyet akobo terchinosyek eng UON

Kakikoito kurset eng serkali kochokchi tetutyet nebo lewenetab membaek che lelach chebo Council eng sukulitab barak nebo University of Nairobi asikotoret eng chengetab wolutyet kotinygei ak terchinoshek chebo kandoinatet chemitei eng sukulinotok.

Kamwa kipakengeitab kiboitinik chepoishei eng sukulishekab barak nebo Universities Academic Staff Union kole kokobit terchinet neo eng sukulinotok kongete ngebut University Council, ak kitonon lewenetab Prof Stephen Kiama neko kakilewen eng konegit koek Vice Chancellor nelel nebo University of Nairobi.

Kotil serkali kobut Council inotok koindochini Prof. Julia Ojiambo kosupgei ak ne mwaat kele kopoishe oret nebo kalotunet eng lewenetab Vice Chancellor nelel nebo sukulinotok.

Koitonon Minister nebo somanet Prof. George Magoha eng betutab komut kazi lewenetab Prof. Kiama ak kolewen Prof. Isaac Mbeche koek Vice Chancellor nebo kasar kobate maiyan kokwoutionotok Prof. Kiama ak komwa kole tesetai ak poishenyi ole komastanyi ko komwa akine Prof. Mbeche kole eng inguni ko inegei netinyei chomchinet nebo koyai poishonik chebo Vice Chancellor.

Kosupgei ak sirindet neo nebo kipakengeitab UASU kebeberta nebo Nairobi George Omondi, ko makat eng Prof. Kiama kokonyit ngotutyet nekokon serkali ak koistogei eng boroinotok bo Vice Chancellor