Kakowirta kapkirwok istoetab Prof Stephen Kiama eng UON

Kakowirta kapkirwok nebo Employment and Labour Relations Court kakwoutiet nekoib Minister nebo somanet Prof George Magoha kotonon lewenetab Prof Stephen Kiama kou Vice-Chancellor nelel nebo sukulitab barak nebo University of Nairobi.

Kokonu tilanatak, komwa Justice Maureen Onyango kole ngetu Prof Kiama kou Vice Chancellor nebo sukulinoto akoi kegas ak ketil kirwoget nemitei kapkirwok kotinygei ak lewenetab Vice Chancellor nebo sukulinoto.

Kaitonon kora kapkirwok kakwoutiet nekoib Magoha kolewen Prof Isaac Mbeche koek Vice Chancellor nebo sukulinoto eng kasar.

Kakon tilanatak kapkirwok kosupkei ak nekawo kapkirwok Prof Kiama kobun ogilionyi Fred Ngatia koesioi kakwoutionoto koib Prof Magoha.

Kabit nito eng kasarta nekamwa Prof Magoha kole koitelel lewenetab Prof. Stephen Kiama amu maib kokwoutik chemokotin Council nebo nebo sukulinotok koyai ngalalet ak inendet koboto stakeholders alak chemokotin kotomo kolewen Vice Chancellor nelel.