Chikilishet akobo miondab Coronavirus

Kakokanapta chikilishet serkali eng komaswek tugul chekichutunen emoni kosupkei ak mongunet ak letaetabgei nebo miondo netaugei eng emetab China.

Kokobar mionoto naat ko Coronavirus biik 9 ak konam biik alak chesirei 440 eng emonoto bo China.

Kamwa Ministry nebo tililindo kole kokekanapta chikilishet eng biik chechutu emoni kopoisien kiwanjoshekab ndegeishek ak komaswek alak eng tokchinetab kegeer kele machut emoni mionoto.

Kabit nito eng kasarta netetat koyai tuiyet kipagengeitab tililindo eng ingony nebo World Health Organization (WHO) asi kotil angotkonyalu kibarasta mionoto koek miondo nengooi anan international health emergency.

Kitoigei mionoto eng taonitab Wuhan ak koletagei eng taonishek alak chebo China ak emotinwek cheboto America, Thailand, South Korea, Japan ak Australia.

Kokon kateunet ngamotik kole imuch kochut emoni mionoto kosupkei ak nechutu ak komondoi biik chechang eng emotinwek cheterter missing ko chebo Asia.

Kosupkei ak WHO, ko kaborunoikab mionoto ko kaimutik eng kabuset, maat nelonyei eng borto anan fever, ngwonindo eng mookto ak loliot nemobo atkai tugul.