Mitei Ng’oiyonditab kobiit rubeet eng emet kosupkei ak Cherengenyinik

Kakomwa Minister nebo Devolution Eugene Wamalwa kole mitei ngoiyonditab kobit rerunetab amitwogik eng emet kosupkei ak Cherengenyinik chekokobokchi Counties cheterter.

Kamwa Wamalwa kole Counties cheimuchi koitchi rubet eng ole oo ko Counties chemitei kebeberta nebo North Eastern amu koibokchi Counties ichoto Cherengenyinik missing.

Akot kou noto komwa Wamalwa kole kokoib kakwoutik chekimen serkali chetokchinigei kiterter Cherenyinikchoto tesetai koletoigei eng komaswek alak chebo emet.
Kaibor kamangunet Wamalwa kole imuch kobetyo Cherengenyinikchoto eng konegit asi matestai kokon asenet.

Kongololi eng komasta nebo Naivasha yekangoyotei tuiyet nekakingololen chobetab ngatutik chetelelchini kirindaetab nyasutik anan Disaster Policy, komwa Wamalwa kole kokotaban serkali rabinik Billion 5.2 chekitoretee biik chekiitchi nyasutik cheterter cheboto ngisiogendetab ingony ak maranet asi koweekchigei sobengwai nebo kotugul.