Bendi koyae tuiyetab BBI eng county nebo Nakuru kandoikab Jubilee

Kakomwa kandoikab Jubilee chekoyai tuiyetab betusiek 2 eng Naivasha kole bendi koyae tuiyetab BBI eng county nebo Nakuru eng wikit nenyonei ko agenge eng tuiyosiekab BBI chekoketet eng emet.

Kamwa kandoikchoto kole tuiyosiekchoto katet icheg ko kakikur kandoik tugul chebo emoni cheboto President Uhuru Kenyatta ak kandoindetab chamaitab ODM Raila Odinga koitita tuyosiekchoto.

Kosupgei ak Majority leader eng senate Kipchumba Murkomen ko katil kotet tuiyosiekab BBI kobaten matuitos ak tuiyosiek chekotet kebebertab ODM.
Komitei eng tuiyonoto kandoikab Jubilee chesirei 120.