Kasetab kesit agobo Gov. Waititu

Tesetai eng raini bunge nebo senate kokose kotinygei ak kokwoutiet nekiib MCAs chebo Kiambu county assembly koisto gavana Ferdinand Waititu eng boisiet.

Tou eng karonetab raini bunge inoto bo senate kokose baornatet kobun baotinikab gavana Waititu kosupgei ak nekokikas eng amut baorinikab county assembly nebo Kiambu.

Yeibata kokoito baornatet kebeberta nebo gavana Waititu ko tetat kongalalen senators kokwoutionoto kotomo kobir kura senators koisto Waititu eng boisiet anan kowirta motion inoto kiisirto county assembly nebo Kiambu,.

Eng amut ko koarorgei gavana Waititu ak kosom Senate koyochi ine imanda eng mwaet kole leleutik tugul chekikimwaitaen inendet kotinyegei ak polatet.