Tesetai ak tuiyet eng inguni family nebo neki President nebo emoni Daniel Moi

Tesetai ak tuiyet eng inguni family nebo neki President nebo emoni Daniel Moi nekaibet sobenyi eng betutab rani ole ngolole tetutik chetokchinigei konoretab bortonyi

Kiyoei tuiyonotok eng mengotetab Arap Moi nemitei komasta nebo Kabarnet Gardens eng taonitab Nairobi kondochini Senator nebo Baringo Gideon Moi ak Mp nebo Rongai Raymond Moi eng kwenutab membaek alak chebo family.

Kamwa Raymond Moi kole yeiwongei tuiyonotok, kobendi icheget konoisechini bikab emet kotinygei ak tetutik chebo konoretab bortonyi