Koaror Head of Public service Joseph Kinyua akobo konoretab President Moi

Kakongalal – Head of Public service Joseph Kinyua koaror akobo tetutik chetetat kotestai eng kasarta tugul kotkotee kekonor bortap President nbeo 2 nebo emoni Daniel Toroitich Arap Moi.

Kongololchin siriikap logoiywek eng Harambee house koaror Kinyua kole Kikochin boroindo biikap emoni kobwaat ak kokoito kondit neletune eng President Daniel Moi nekokoru.

Kiibei bortap Moi kwo Bunge Jumamos tarik 8/2/2020 asikogeer biikap emet akoi Jumatatu 10/02/2020 sait 8.am-5PM.

Indochin President Uhuru Kenyatta taunetap kekeer borto Jumamos 10.15PM.

Tuesday- Keibei kwo Nyayo Stadium eng igortap sautik neindochin dinishek tugul.

Indochin Asikarikap luget tetutichotok tugul kogeer kole kaisulda notok eng oret nemie.