Boroindo nebo let eng bikab emet kokeer bortab Daniel Moi

Nyoru boroindo nebo let eng betutab rani bikab emet chetomo koker bortab neki President nebo emoni Daniel Moi.

Kiwektoi bortab Arap Moi kowo bunge eng betutab 3 kipchulio asikoro bikab emet chemanyor kasarta nebo koker borotok eng betutab omut ak komut kazi yekingotoigei tetutionotok.

Alak eng kandoik cheechen chekoimuch kogeer boroto eng betutab omut koboto neki President nebo Mwai Kibaki ak Governor nebo Nairobi Mike Sonko ak kandoik alak cheboto MPs.

Kabit nito eng kasarta nekarutechi President Uhuru Kenyatta kiwanjetab urerioshek nebo Nyayo Stadium asi kochigil ole testoi tai tetutik chebo yaetab sautik chetokchinigei konoretab bortab Arap Moi netetat keyai eng betutab Tuesday.

Kimongu koitita sautikchoto toek cheterter kobun orit ak sang nebo emoni ole tetat kondochi sautikchoto kanisetab AIC ole kamwa Head of Public Service Joseph Kinyua kole tesetai komie tetutik chetokchingei yaetab sautikchoto.

Kamwa Kinyua kole kimongu koit emoni Presidents cheitei 10 eng igorta nebo konoretab boroto bo Arap Moi eng imbarenyi nemitei Kabarak eng betutab kosomok kazi.
Koibarasta serkali betutab mutai kwoeng kazi koek betutab kamunget anan Public Holiday asi konyor kasarta biikab emet koitita sautikchoto kiyoei eng Nyayo National Stadium.