Tetutik chetokchingei kirindaetap cherengendet

Tesetai serkali kosuldoe tetutik cheterter chetokchingei kirindaetap cherengendet nekokobokchi Counties 18 eng emoni.

Kamwa ngololindetap serkali Cyrus Oguna kole boisiei serkalit neo ak chebo counties ak stakeholders tugul cheboto kibakengeisiiekap emoni ak chbeo emotinwekap sang eng chengetap walutietap kaimutionotok bo cherengendet.

Kangong Oguna kole tesetai serkali kosuldoe kakwautichotok kounotok kosom biikap emeoni komuita aka kokochi boroindo serkali kosuldae tetutichotok asikekeirinda kaimutionotok kamwa kole mabo emoni inegei.

Kotinygei ak kaimutietap nebo uetap konetik komong eng North Eastern ko kamwa Oguna kole tesetai serkali kochengei wolutietap kaimutionotok akot eng kasarta neiitchin kamanut chametapgei nebo konetindet aketugul eng mwaet kole bo kamanut notok.

Tesetai kebaorionchin kabokchinetap cherengendet eng kebeberwek cheterteret ole kaek County nebo Elgeiyo Marakwet County nekoitita cherengendet eng inguno.