Kakenam Senator nebo Narok County Ledama Ole Kina

Kakenam Senator nebo Narok County Ledama Ole Kina kosupgei ak lelutyet ne mwaat kele koleta logoiwek chebo sosishet che imuchi koib suryet eng emet.

Kakinam Ledama eng sang nebo Royal Media Services eng taonitab Nairobi ole kamwa kipakengeiitab National Cohesion and Integration Commission kole katoretgei ak Directorate of Criminal Investigations eng nametab Senator Ledama.

Komwa Ledama kole mo nyolu eng pororioshek alak chemengishei eng county nebo Narok kobelchigei poroinwek alak tugul chebo kandoinatet eng mwaet kole poroinwek tugul chebo kandoinatet chebitunotin eng county inotok ko makat kebokokchi bik chebo pororietab Maasai.

Kokotestai ngalalet neo eng emet kotinygei ak logoiwechotok ole komwa kasubikab Ledama kole mayai lelut age tugul kobate eng komasta age ko komwa kandoik cheterter kole nyolu kenam inendet ak kirwokchi amu logoiwechotok komwa komuchi koib suryet.

Akot kou notok ko kamwa Ledama kole motinyei koyweishet age tugul ak komwa kole tesetai koborchinigei imanda nebo pororyetab Maasai