Kakokur President Uhuru Kenyatta Senators chebo chamaitab Jubilee koba State House Nairobi

Kakokur President Uhuru Kenyatta Senators chebo chamaitab Jubilee koba State House Nairobi eng betutab mutai eng tuiyetab Senators chebo chamainatak bo Jubilee anan Parliamentary Group Meeting.

Tougei tuiyonotok eng sait 8.30 AM nebo karon ole nganda tomo kenai kit ne tetat kengalalee, komwoei logoiwek kole wendi kopoishe tuiyonotok President Kenyatta koisto kandoikab Jubilee eng bunge nebo Senate chemaikochini kasubet poishonik chetesetai kosuldoe serkalinyi.

Mwaat kele imuch keisto Senator nebo Elgeyo Marakwet Kipchumba Murkomen eng boroindo nebo Leader of Majority, ak Senator nebo Nakuru County Susan Kihika eng boroindo nebo Majority Whip eng bunge inotok bo Senate.

Kongete ngotoi koteech tilyandit President Kenyatta ak kandoindet nebo chamaitab ODM Raila Odinga, ko kikotestai koesho kandoichotok 2 ak kandoik alak cheikochini kasubet Deputy President Dr. William Ruto tetutionotok bo handshake eng mwaet kole mochei kopoishe kokotyonotok Raila Odinga kobut chamaitab Jubilee.

Kakikur tuiyonotok mobo kotugul eng kasarta nekaimongei logoiwek kele kokonde siyet koshinet nebo kopois eng kipakenge President Kenyatta ak kandoindet nebo chamaitab KANU Gideon Moi ne inendet ko Senator nebo Baringo County.

Kosupgei ak koshinet notok kokinde siyet ak kikoito kowo ofisitab Registrar of Political Parties, ko kakotil kopois eng kipakenge chamaishechotok bo KANU ak Jubilee ak kou notok ko mwaat kele mitei kamuket neo nebo kikoito boroindo nebo kandoinatet nenomu Murkomen eng Senate koityi Senator Gideon Moi anan ko Sen. Samwel Poghisio