Konoretab bortab chi netinye Coronavirus eng Bomet

Kokikonor eng kembout nekaekchini betutab rani bortab muren 1 nekoibet sobenyi eng county nebo Bomet kosupgei ak miondo nebo Corona Virus.

Kokikonor borotok eng kokwetab Kagawet nemitei Itembe Location eng komasta nebo Chepalungu eng igorta ne nwach nekoindochi ofisaek chebo tililindo kobun serkalitab county nebo Bomet.

Mabaoryonchi igoratak membaekab family nebo chichotok amu itobonotin eng sukulitab tibik nebo Kaplong Girls eng komasta nebo Sotik ole kokiib bortab chichotok akoi komasta nekikonorchini kepoishe land rover eng ripset nemitei barak kobun police.

Kokiib kokwoutionotok mobo kotugul kosupgei ak ngotutik chekikon serkali kobun Ministry nebo tililindo kole chi age tugul nekaibet sobenyi kosupgei ak miondab Corona Virus ko nyolu eng chokchinet ole.