Mobo iman baruet akobo keisto rubeiywotab President William Ruto – Clerk nebo National Assembly

Kakomongei bunge nebo National Assembly akomwa kole mobo iman baruet nekoletagei eng social media kole mitei Motion netokchingei keisto rubeiywotab President Dr. William Ruto.

Kamwa Clerk nebo National Assembly Michael Sialai kole mamitei motion neu noto ak kou noto komanyalu eng biikab emet koipchi komonut baruanatak.

Kosupkei ak baruanatak,ko tetat kengalale Motion inoto eng Tuesday tarik 2 arawetab 6 ole mwaat kele kotau Motion inoto MP nebo Kieni Kanini Kega.

Kamwa Sialai kole tomo koyai tuiyet committee netelelchini poishonikab bunge nebo House Business Committee asi kongalale akosirto Motion age tugul nekingololen yeweek MPs poishet eng wikit nenyonei.

Kosupkei ak Sialai,ko kosirei baruanatak biik chemochei koleta logoiywek chebo lembech asi kosuldae magutikwai chebo polotet.

Akot kou noto ko koimongei Kega akoesio baruanatak eng mwaet kole mamitei tetutiet age tugul nebo keisto Ruto eng poishet eng oret nebo impeachment ole kobotogei ak MP nebo Cherangany Joshua Kuttuny.