Tesetai konyoru kanyoiset biik 590 akobo coronavirus

Tesetai konyoru kanyoiset biik cheitei 590 eng sipitalishek 35 eng emet kotinygei ak miondab Corona.

Komwa Minister nebo kanyoiset Mutahi Kagwe kole 7 eng biikchoto komiansot missing.

Koibor kaimetabgei Kagwe kotinygei ak miondab Corona netesetai koletoigei missing eng mengotoshekab ingony anan Slums eng Nairobi ole magat keib kakwoutik chekimen keteer mionoto.

Eng biik 123 chekokinyorchi mionoto eng betutab amut, ko 33 eng icheget kobunu mengotetab ingony nebo Mathare ak 14 kobunu Kibera Slums.

Kosupkei ak noto koteechi Kagwe biikab emet komatkotustus ngatutik chebo kirindaetab mionoto kobate kosub eng atkai tugul asi kimuukta mionoto.

Konerekchi Kagwe biik chemakosubi ngatutikchoto eng kasarta nerutoi eng Matatu eng mwaet kole kokoipchi noto koletagei missing mionoto.

Komwa Kagwe kole wendi korutechini Counties cheterter eng wikit age tugul asi kochigil ole uu tetutik chebo kirindaetab mionoto eng Counties ichoto.