Kakoyai walosiek chamaitab Jubilee

Kakoyai walosiek chamaitab Jubilee eng alak eng boroinwekab kandoinated eng bunge nebo National Assembly.

Eng tuiyet ne kaindochi president Uhuru Kenya eng gootab bororiot Nairobi ko karorokyi aiwet MP nebo Mumias East Benjamin Waisheli ne kakiregune kiroisitab Whip nebo Chamait eng kebeberata bo Bunge ak kolokyi MP nebo Navakholo Emmanuel Wangwe.

Karebee aiwonoto kora chepulenyi nebo boroindab rubeiwatab Chief Whip nebo chamainoto MP ne kikitoror Cecily Mbarire ak kolokyi MP nebo Igembe North Maoka Maore.

Katook ko u ne kasarune kororya ma kandoindetab che chang Aden Duale ne makitwa.

Kachilil agine MP nebo Kikuyu Kimani Ichungwa makitwa eng boroindonyi nebo nebo ng’echeret eng committee nebo Budget.

Mwaat kele kachilil Duale yekan koesyo MPs kogoch boroindab Duale MP nebo Kipipiri Amos Kimunya eng magetab kandoinatetab chamainoto.
Eng komasta nebo Ichungwa ko kosupgei ak ne beku kasartanyi eng boroinoto arawetab sogol.

Sang nebo Duale ko ng’et kora Speaker Justin Muturi ak rubeiwotab Speaker Moses Cheboi.
Akot ko u noto kang’et kegeer walosiek che yoe Chief Whip ne leel Wangwe yenam boisiet eng Bunge ak missing angot kosub tyekutikab sirityenyi eng bunge nebo senet Kang’ata Irungu ne koyai walosiek eng kandoinatosiekab komiti chebo senet.
Kora kokusyin kong konyek waletab ministaet ne mwaat kele butonu kwen ak komuchi kosuldae President Kenyatta ne kokomwa kole machei biik che toreti ine kosuldae tuguk che kiiyamis biikab emoni eng taiminyi nebo oeng.