Kaitiakta serkali koitet neo nebo biik chekosobcho kobun miondab Corona

Kaitiakta serkali eng betutab rani koitet neo nebo biik chekosobcho kobun miondab Corona.

Kakitiakta biik 54 eng kasarta 1 ne noto ko koitet neo kiborostoi kongete ngoit mionoto emoni.

Kamwa Chief Administrative Secretary eng ministry nebo tililindo Dr. Rashid Aman kole kaipchi noto koit 553 biik chekokosobcho eng emet ole kailoos kanyoik kotinygei ak poishet nemie netesetai koyoei.

Kabit noto eng kasarta netesetai kolonyei koitetab biik chenomei miondab Corona eng emet ole kakinyorchi mionoto biik 123.

Nito ko kosupkei ak chikilishet nekakiyochi biik 2,112 ole kaipchi noto koit 2,216 biik chekokonam mionoto eng emet.

Kosupkei ak Ministry nebo kanyoiset, kobunu biikchoto counties cheboto Nairobi, Mombasa, UasinGishu ak Counties alak ole biik 12 chekakinyorchi mionoto eng UasinGishu kobunu tugul komasta nebo Turbo.

Akot kou noto ko kaibet sobonwekwai biik 3 ole kaipchi noto koit 74 biik chekokobet sobonwekwai kosupkei ak miondab Corona eng emet.

Ingandan uu noto komwa Chief Administrative Secretary eng Ministry nebo kanyoiset Dr. Rashid Aman kole magat eng biikab emet kotestai kosub ngatutik chekikon serkali asi kimuch kiterter mionoto ole kanerekchi alak eng biikab emet chemakosubi ngatutikchoto.