Yoei tuiyet president eng betutab rani ak Governors

Yoei tuiyet President Uhuru Kenyatta eng betutab rani Wednesday ak Governors chebo emoni ole tetat kongalale tetutik chebo kirindaetab miondab Corona eng Counties.

Tuiyonoto tetat koitita Governors tugul 47,ko tetat koaror County age tugul akobo tetutik chekokotoi eng kirindaetab mionoto tesetai koletoigei ole kokoit Counties 38 akoi inguni.

Yekingongololchini emet President Kenyatta eng wikit konye,ko magat koboor Governors eng tuiyonoto kole chobotin kokirinda mionoto ndawendi atkochanga biik chenomei mionoto eng Counties chekwai.

Mochei kora President Kenyatta konyor kayomiset kobun Governors kole bendi kopoisien rabinik Billion 5 chekokitobonchi Counties asi kopoisie eng kirindaetab mionoto eng oret netagunot.

Kosupkei ak President Kenyatta, komochei konai ole uu chopchinetabgei eng Counties kotinygei ak kirindaetab Corona eng kasarta nechopchinigei koyaat emet asi kotestai poishonik.

Kiyoei tuiyonoto eng kasarta nekokingat serkalishekab County kotoi komaswek chekindeni kitandook 300 chepoisien biik chekenyorchini miondab Corona ndawendi atkochanga biik chenomei mionoto eng Counties.