Tetutik chetokchinigei yatetab sukulishek eng arawetab 9

Kayai tuiyet eng karonetab rani Minister nebo somanet Prof. George Magoha ak kipagengeishek cheterter chebo konetik ole kangalale ngaleek chetinyegei ak somanet.

Tuiyonoto kaiyum kipagengeishekab konetik chebo KNUT, KUPPET, UASU ak KEWOTA ak alak ko kakingalale tetutik chetokchinigei yatetab sukulishek eng arawetab 9.

Kokotuiyo Magoha ak stakeholders cheterter chebo somanet cheboto Principals chebo sukulishekab TVET asi kongalale chopchinetabgei nebo yatetab sukulishekchoto eng arawetab 9 kou ole kiibarasta serkali.

Kokotuiyogei kora serkali ak kampunitab Rivertex eng nabetab Maskishek chekiropchini kipsomaninik yekiyaat sukulishek eng emet.

Tesetai kora ministry nebo somanet ak tetutik chebo kabaraitetab sukulishek asi mariikchigei kipsomaninik eng sukul.

Kikiker sukulishek eng emet eng arawetab 3 yekingoit emoni miondab Corona ole tesetai koletoigei mionoto eng emet.