Kakobarasta serkali keyaat poishonik eng emet k

Kakobarasta serkali keyaat poishonik eng emet komutyo.

Kongololchini emet kotinygei ak miondab Corona,komwa President Uhuru Kenyatta kole ingandan tomo kochobok Counties koborie mionoto, ko mie keyaat emet komutyo.

Kayaat President Kenyatta kiwotoshekab County anan lockdown kongete sait taman nebo karon eng betutab mutai Tuesday asi kotestai poishonik ole imuchi biik koruto koba komaswek cheterter eng emet.

Komitei Lockdown County nebo Nairobi, Mombasa ak Mandera ole kaisto kandoindetab emet.

Akot kou noto kokon kateunet President Kenyatta kole wendi serkali kokerei emet kogeny angotkomaisub biikab emet arorutik chegonu Ministry nebo kanyoiset.

Ingandan u noto, komwa President Kenyatta kole makichomchini karishekab Matatu cheimuti biik kongete County 1 akoi age kotoi poishet akoi koitchi magutik tugul chebo Ministry nebo kanyoiset.

Kasom Uhuru biikab emet kosub arorutikchoto eng kotugul asi keteer miondab Corona komatestai koletagei eng mwaet kole angotkitustus ngatutikchoto komuchi koletagei mionoto missing.