Terchinet eng pcheetab rabinik chebendi Counties

Kimongu kobit terchinet neo eng bunge nebo Senate eng karonetab rani eng kasarta netetat kongalale Senators oret nelel anan Formula nekipoisien eng pcheitaetab rabinik chebendi Counties.

Tomo koitchi kosyinet bunge inoto kotinygei ak Formula nenyalu kepoisie eng Pcheitaetab rabinikchatak.

Kilewen Speaker nebo Senate Ken Lusaka timit newendi kochengei kosyinet kotinygei ak formula inoto kobate mabit kosyinet.

Kokotestai kokimit Senators chebunu Counties cheimuch kobet rabinik chechang angotkepoisie oret nelel nekokitoi kole maikochini kasubet Formula age tugul neichuchuchi rabinik chekikochini County age tugul eng emet.

Kosupkei ak Senators chebunu komaswek chekiketaban eng kasarta nekoi anan Marginalized Areas, konyalu kotestai Formula nebo keny asi mabit kalotunet eng pcheitaetab rabinikchatak.

Eng Formula nelel nekotoi nekokoib terchinet neo, kobendi Counties cheboto Garissa, Wajir, Marsabit, Isiolo, Samburu, Turkana, Tana River, West Pokot, Lamu ak Mandera kobeti tugul silingishek Billion 17.