Kakityakta MP nebo Malindi Aisha Jumwa

Kakityakta MP nebo Malindi Aisha Jumwa eng cash bail nebo silingishek Million 2 eng kirwoget nebo nametab asoya nekokimwaitae inendet.

Kakimut Jumwa kapkirwok nebo Mombasa eng karonetab rani asikirwokchi kotinygei ak lelutyet ne mwaat kele tinyegei ak youtik chebo nametab asoya chekibit eng legutab bandaptai nebo CDF eng komastab kot nekingote ngotutik nebo Malindi kobate kaesho lelutichotok.

Maesho kebeberta neindochini kirwogutik tetutyetab kityakta inendet eng bail kobate kamwa kole makat kikochi bail nemitei barak ole kangat kirwokindet nebo Mombasa anan Chief Magistrate Edna Nyaloti kole kityakta inendet eng bond nebo silingishek Million 5 anan ko cash bail nebo silingishek Million 2.

Tetat kekas kirwoget notok eng tarik 21 nebo arawetab 9 eng kenyini.

Eng kasaratak ko kangat kapkirwok inotok kerekunee bail nekokikochi bik alak che mwaat kele tinyegei ak lelutichotok kokimwaitae Aisha Jumwa ole tetat kityakta icheget eng cash bail nebo silingishek 500,000.