Kirwogetab Ferdinand Waititu

Maimuch kotestai eng betutab rani kirwogetab neki Governor nebo Kiambu Ferdinand Waititu kosupgei ak nemaimuch inendet koitita kapkirwok

Kamwochi kapkirwok ogilyot John Swaka netononchini Waititu kole tinyei inendet miondab Covid 19 ak kou notok komaimuch kowo kapkirwok kou ole kamakat.

Kosupgei ak notok ko kangat kapkirwok ogilyekab Waititu kokoito eng kapkirwok inotok kartasishek anan ko baornatet neiboru imandab logoiwechotok eng tarik 21 neb0 arawetab 10 kenyini asikochigil kapkirwok ak Director nebo Public Prosecutions.

Kirwokchini Waititu kotinygei ak youtik chebo nametab asoya chekibit eng kasarta neki Governor nebo Kiambu chekiipchi kobet county inotok rabinik cheitei silingishek Million 500.

Kikiisto inendet eng poishet eng tarik 29 nebo arawet netai eng kenyini yekingosirto bunge nebo Senate motion nekiisirto county assembly nebo Kiambu kotinygei ak lelutik cheterter chebo nametab asoya chekikimwaitae Waititu.

Eng kasaratak ko kakotyakta kapkirwok nebo Milimani Governor nebo Migori county Okoth Obado eng cash bail nebo silingishek Million 8.75 kosupgei ak nekaesho lelutik chebo nametab asoya chekokimwaitae inendet

Kakingat kora Obado komatkomanda sang nebo emoni anan kowo ofisinyi asimachutyi chgigilishet netesetai kotinygei ak lelutichotok kokimwaitae inendet ak membaekab family nenyindet chekiipchi kobet county nebo Migori rabinik silingishek Million 73.