Last batch of ballot papers arrive in the country

Koit emoni eng betutab amut kartasishek chebo let anan Ballot Papers chekepiren kura eng lewenishet nekiyoei eng betutab mutai Thursday.

Kochorgei ndegeit nekoibu kartasishekchoto eng kiwanjetab ndegeishek nebo Jomo Kenyatta International Airport (JKIA) eng sait sait taman ak oeng nebo koskoling eng amut Tuesday kongete Dubai.

Kotaach kartasishekchoto ofisaekab IEBC ak kekonor eng chogeshekab kipagengeinatak kotomo keleta koba komaswek cheterter chebo emet eng chopchinetabgei nebo lewenisionoto.

Kartasishekchoto koit kobo Counties 14 cheboto Nairobi, Kericho, Bomet, Nakuru, Kiambu, Murang’a, Kirinyaga, Nyeri, Machakos, Kitui, Embu ak Nyamira.

Kabit nito eng kasarta nekotesetai kipagengeitab IEBC ak tetutik chebo yaetab lewenisionoto eng Bomas of Kenya ole konegit kowongei tetutik tugul chebo yaetab lewenisionoto.