Kakobut Minister nebo somanet Amb. Amina Mohamed board nebo sukulitab tibik nebo Moi Girls Nairobi

Kakobut minister nebo somanet Amina Mohamed board nebo sukulitab tibik nebo Moi Girls,Nairobi kosupgei ak nekokinyeren kipsomaniat eng orit nebo sukulitnoto.

Eng kasarata ko kakwo kora eng kamunget anan retire konetindet ne o eng sukulitnoto Jael Mureithi.

Kamwa kora Amina kole kakonyor ministry nenyin report nebo kasar kotinygei ak chikilisiet nebo nyerset eng sukulitnoto ole kangong kole chang tuguk chenyolu kilitiit asikobiit kekanapta ripsetab kipsomaninik eng sukulitnoto

Kabiit nito eng kasarta nekakitoi kebut dukoshek ak korik chebo mungaret eng olenegite sukulitnoto bo Moi Girls School, Nairobi eng tokchinetab kekimit ripset eng sukulinotok kokotestai koityi koimutik cheterter nyerset

Kait kopoishe police koristo ne ngwan nebo teargas koser bikab emet chekaimongei ak koyai kambaget eng komasta nebo Kibera koeshoi butetab korichotok

Mwaat kele unyegei choric ak kiplelutinik alak korichotok eng kasarta nemochei kochut sukulinotok bo Moi Girls asikosuldae youtik chemoiyonotin

Kabit nito eng kasarta nekamwa kipakengeitab konetik nebo Kenya National Union of Teachers kole makat kinde sukulishek tugul chebo boarding cameraishek chebo CCTV asikimuch kekirinda youtik chebo nyerset komatestai kobit