Families move out of Maasai Mau Forest before eviction start

Kakotoi komweiso eng koriikwai biik chemengishei eng timdo nebo Mau.

Katoi koistogei eng koriikwai biikchoto betut 1 kongete ngoitita komasatak ribiikab kalyet chekokiyokto komaanda biikchoto.

Akot ingandan kanyor nyogoriet biikchoto ak kotoi komanda kosupkei ak itunetab ribiikchoto bo kalyet,ko kasom icheget serkali kokoch icheget imbaret nemenyei asi komengis eng kalyet.

Kamwechi bokolushekab biik kanisetab Set-Apart Ministries Church, Holistic Church ak Osotua Primary School eng Kapkulu center netetei ak timoto bo Mau ole matindoi amitwogik ak tuguk alak chebo komonut.

Kaibor kaimetabgei biikchoto kakimanda kotinygei ak operation inoto eng mwaet kole kikomeny timoto eng kenyishek chechang ak kou noto komaiyanat kakwoutietab keisto icheget.

Akoi betutab rani ko kokobut ribiikchoto bo kalyet koriik chesirei 300 eng timoto bo Mau kongete ngotoi operation nebo kimaanda biikchoto eng betutab amut.

Tetat kotestai operation inoto eng kasarta nebo betushek 10 ole indochini operation inoto ribiikab kalyet chesirei 300 kobun kipagengeitab Kenya Forest Service, KWS ak AP.

Mochei serkali komaanda biik cheitei 12,000 chekimeny timoto bo Mau ama eng chomchinet.