Kabit terchinet neo eng tuiyetab konetik cheechen chebo sukulishekab primary eng taonitab Mombasa

Kabit terchinet neo eng tuiyetab konetik cheechen chebo sukulishekab primary nekatoigei eng taonitab Mombasa eng karonetab rani

Katoigei terchinet noto yekangomwa konetik cheechen kole makat keisto kandoik che indochini kipakengeingwai nebo Kenya Primary Schools Head Teachers Association

Kamwa konetik chechang kole nyolu eng nebo ngecheret eng kipakengeinatak bo Kepsha Shem Ndolo koistogei eng mwaet kole kikotestai kopoishe eng ortinwek chematoku rabinik chekitilee icheget eng arawet age tugul ak kikoito koba kipakengeinatak bo Kepsha

Kamwa konetichotok kole makat kitonon rabinichatak kitilee icheget amu matokunot olekepoisheitoi rabinichatak kamwa kole chang missing.

Kabit waketabgei neo ak wirtaetab ngecherok ak chupeshek yekangomwa Ndolo kole mochobot koistogei eng poishet ole kait kotonon tuiyonotok eng kasa

Kanerekchi kora konetichotok kit nemakitesta sirindet neo nebo KNUT Wilson Sossion eng tuiyonotok ole kamwa konetichotok kole makat koek Sossion 1 eng bik che ngololi eng tuiyonotok tetat koyaat President Uhuru Kenyatta eng betutab mutai

Kabit nito betut 1 kityo kongete ngomwa Ndolo kole moikochini kasubet kokwoutyet nekomwa Sossion kole ingelelchini poishet konetikab emoni kongete tarik 1 nebo arawetab 9 kenyini angot komaisuldae Ministry nebo somanet mogutik chekokon kipakengeinatak bo KNUT.