KNUT conference underway at Bomas

Thursday December 13, 2018 – Kakokoito kurset sirindet neo nebo kipagengeitab kiboitinik nebo COTU Francis Atwoli eng biik tugul chebo emoni kotoret President Uhuru Kenyatta eng poriet nekitokchini nametab asoya.

Kongololi eng tuiyetab kipagengeitab konetik nebo KNUT netesetai eng kotab tuiyoshek nebo Bomas of Kenya,komwa Atwoli kole maisuldoi porionoto angotkomanyor toretet serkali kobun biikab emet.

Kamwa Atwoli kole tindoi maget nemie kandoindetab emet nebo koiit let asoya akou noto konyalu ketoret asi kiterter kaimutionoto.

Kabit nito eng kasarta nekomwa President Uhuru Kenyatta kole kinomei ak kirwokchi bik tugul chetinyegei ak asoya ole koikoito kurset eng kebeberta nebo kapkirwok anan Judiciary kokoch kerkongiet nengwan biik chekimuti kapkirwok asi kirwokchi kotinygei ak asoya.

Kapoisie kasaratak Atwoli kokoito kurset eng kipagengeitab konetik nebo KNUT kopois eng kipagenge ak COTU asi konyor kimnotet nemagat koborchigei imandab kiboitinik.

Eng komastanyi kokimit Sossion kole tesetai KNUT koborchinigei imandab kiboitinik eng mwaet kole chobotin icheget kopois ak COTU eng tokchinetab kogeer kole kanyor imanda konetikab emoni.