Detectives appeal for info. as DusitD2 probe continues

 

Thursday January 17, 2019 – Kakokoito kurset kipagengeitab segeisyet nebo DCI eng biikab emet kokoito logoiwek alak tukul chebo komonut cheimuch kotoret eng chikilisiet netesetai kotinygei ak kabokchinet nekobiit eng komosta nebo Dusit D2 nemitei eng komosta nebo Riverside Nairobi.

Kamwa DCI eng logoiyot kole biikab emet chetindoi logoiwekchoto kokoito eng ketesietab police agetukul nenekiten akichek anan kopir simoit 999,911 anan ko 112.

Bitu nito eng kasarta nekolany koitetab biik chekoibeet sobonwegwak eng kabokchinetnoto kongeten 14 agoi 21 kosupgei ak Inspector General nebo Police Joseph Boinnet.

Eng kasarata ko kakomwa police kole tesetai kochikili komie got nekokaibokchi chelesosiekchoto ankot kotakomitei grenades chekoimuch kometo chelesosiekchoto kokibar.

Kamwa police kole kakonyor alak eng choto ak tetat kityolsi eng kasarta agetukul ole kasom biikab emet matkosich koyweisiet agetukul yekas katyolset eng yoto.

Akot kou noto kotesetai alak eng biik kochenge tilyonutikwak ole kosupgei ak kipagengeitab Kenya Red Cross ko mitei biik chetomo konyor tilyonutikwak.