Justice Ojwang suspended pending probe

Wednesday April 3, 2019 – Kakitonon eng poisiet kirwokindetab kapkirwok nebo Supreme Court Jackton Boma Ojwang ak kotoi President Uhuru Kenyatta tribunal nebo membaek 7 chebendi kochikili atebetnyin

Eng Gazette notice nebo March 29, 2019 ko kamwa President Kenyatta kole kakitelelel eng poisiet Justice Ojwang asikobiit kotestai chikilisiet netinyegei lelutik cheterter chekikimwaitae inendet.

Kabiit nito kosuogei ak nekisirchi kandoindetab emet kipagengeit neteleljin poisionikab kapkirwok noto ko Judicial Service Commission (JSC) komochei keisto eng poisiet Justice Ojwang kosupgei ak petition nekiikoito Nelson Oduor Onyango ak biik alak 8 koaroru amunei asikonyolu keisto Ojwang ko kirwokindetab kapkirwok nebo Supreme court.

Tribunal inoto bendi kochikili Ojwang kondochin Justice ALnashir Visram ko nebo ngecheret ak kotindoi membaek alak 6 choto ko Justice (Rtd) Festus Azangalala, Ambrose Weda, Andrew Bahati Mwamuye, Lucy Kambuni, Sylvia Wanjiku Muchiri ak Amina Abdalla.