Ruto says he hasn’t started 2022 campaigns

Friday, May 31, 2019 – Kakikoito kurset eng kandoikab emoni koistoegei bolotet netinyegei ak lewenishet neo ne tetat keyai eng kenyitab 2022 ak koiityi komonut poishonik chetechei emet

Kongololi eng counties chebo Kisii ak Nyamira eng kasarta nekalumdoi poishonik cheterter chebo bandaptai, ko kamwa Deputy President Dr. William Ruto kole takoloo asikoit kenyitab 2022 ak kou notok kotomo koit kasarta nebo campaigns anan ko bolotet netinyegei ak lewenishet ak kou notok ko nyolu eng kandoik ak bikab emet kokilchigei poishonik chebo banadaptai

Kamwa Ruto kole rutoiwek chetesetai koyoei eng komaswek cheterter chebo emoni komotinyegei ak bolotet ole kaesho logoiwek chekokotestai komwa alake eng kandoik kole kokotoi inendet campaigns chetokchinigei lewenishet nemitei tai ole wendi kobelchinigei ngecheretab President.

Kaikimit Ruto kole tesetai korutochini komaswek tugul chebo emoni amu kikilewen inendet koek Deputy President nebo emetab Kenya ak kou notok kotindoi poishet neo nebo kotoret President Uhuru Kenyatta koker kole kabit bandaptai eng komaswek tugul chebo emet

Kabotogei Ruto ak MPs cheterter ole kaindochi igorta nebo kayumanikab rabinik chekitoretee kanisoshek 15 chebo SDA, ak kolumda teksetab Technical Institute eng komasta nebo Mugirango West