Wednesday declared Idd-ul-Fitr holiday

Monday June 3, 2019 – Kakobarasta serkali betutab Wednesday wikini koek betutab kamunget anan Public Holiday.

Kakibarasta betunoto koek betutab kamunget asi komuktechi kasubiik chebo dinitab Islam koboibochi igorta nebo Idd-ul-Fitr.

Kaibarasta kakwoutionoto Minister nebo ripsetab kalyet eng emet orit Dr. Fred Matiangi eng Gazette Notice nebo betutab rani Jumatatu.

Boibochini kasubiikab Islam eng ingony komugul igortab Idd-ul-Fitr kila yeit let arawetab Ramadhan.

Eng arawatab Ramadhan, korugutigei kasubiikab Islam eng poishen kasaratak kokoch toretet biik chemaimuchigei eng pororiet.