Tesetai keyae igorta ne inegei nebo soutik akobo president Moi

Tesetai koititoi kandoik ak bikab emet eng kiwanjetab Nyayo National Stadium ole tetat keyae igorta ne inegei nebo soutik chetokchinigei konoretab neki President nebo emoni Daniel Moi.

Katoi koitita kiwanjanatak bikab emet kotomo kochor asista eng karonetab rani eng maketab koker kole makikerchi sang eng kiwanjanatak.

Kosupgei ak tetutik anan official programme nebo igoratak, ko tetat kotoigei soutichotok eng sait 10.45 AM ak kotestai akoi sait 2.15 PM
Tetat koitita kiwanjanatak President Uhuru Kenyatta ak kwondonyi Margaret Kenyatta eng sait 10.30 AM ako tetat ketaach bortab Arap Moi eng sait 10.35 AM
Eng inguni komitei bortab Arap Moi State House Nairobi eng kondit nebo let ole kakinem eng kot nekikonoree borwek nebo Lee Funeral eng kasarta ne nwach nekakosirto ak keib akoi State House.

Kakeker ortinwek cheterter eng taonitab Nairobi asikosulda rutoiwek chetokchinigei kiwanjetab Nyayo Stadium ole koikoito kora serkali betutab komunget anan Public Holiday eng bikab emet asikomuch koba igoratak bo soutik ak kokoito kondingwai nebo let eng boiyot Arap Moi.

Yeibata soutichotok, ko tetat kiwekta bortab Arap Moi kowo kot nekikonoree muswek nebo Lee Funeral Home ole tetat kotebi eng koyotok akoi betutab mutai ole tetat kimong ak keib akoi komasta ne tetat kekonorchi eng imbarenyi nemitei komasta nebo Kabarak eng county nebo Nakuru.