Kakonom National Government poishonikab County nebo Nairobi

Kakonom serkalit neo nebo National Government poishonik tugul chebo serkalitab County nebo Nairobi.

Kaib kakwoutionoto serkalit neo konamgei ak Article 187 nebo Katiba.

Eng kayonchinet ne inegei nekakinde siyeet eng State House Nairobi,ko kainde siyeet Governor Mike Sonko ak Minister nebo Devolution Eugene Wamalwa eng chomchinetab President Uhuru Kenyatta kayonchinet nebo kikoito poishonikchoto bo County konom serkali neo.

Kabaorienchi igoratak Speaker nebo Senate Kenneth Lusaka ak Attorney General Paul Kihara.

Poishonikchoto kaib serkalit neo koboto telelchinetab sector nebo kanyoiset, loiset anan transport, teksetab ortinwek ak tetetab town anan planning.

Kosupkei ak logoiyot kobun ngololindetab State House Kanze Dena, kotokchinigei kakwoutionoto kogeer kole katestai poishonik eng serkalitab County nebo Nairobi eng oret nemie asi konyor kelchin mengikab Nairobi.

Kamwa Dena kole egu noto walutiet kotinygei ak kaimutikab kandoinatet chekokakobit eng County nebo Nairobi kosupkei ak nekikietee Governor Sonko kwo office akoi kobek kirwoget netinyei eng kapkirwok.