Kaitiakta emoni biik 97 che kosobcho kobun miondab Corona

Kaitiakta emoni biik 97 che kosobcho kobun miondab Corona.

Kamwa Chief Administrative Secretary eng Ministry nebo kanyoiset Dr. Rashid Aman kole nito ko koitet ne mitei barak kityakta egonak koboch kosopcho biik eng korona .

Kogonu ng’alalet nebo kila betut kotinygei ak mionito, komwa Aman konu kamong’unet ne o noto eng biikab emoni ole akoi nguni ko biik 849 che kokosobcho kobun mionoto eng emet.

Kailoos Aman poishonik che eechen cheyoei kanyoikab emoni eng mwaet kole kokokiilgei kogeer kole kakisor sobonwekab biik chekinyorchin miondab Corona eng emet.

Kaibor kamongunet Aman kole kitiooktoi biik chechang chesapsot ole kamwa kole toreti noto kochuchuch koitetab biik chekinyooi kobun mionoto.

Eng kasaratak kosom Dr. Aman biik chetindoi kenyishek 60 akwo barak kolaach maskishek chebo N95 asi koteergei kobun miondab Corona amu mitei eng kamugetab konam mionoto.