Kirwogetab Governor Ali Korane

Tetat kirwokchi Governor nebo Garissa Ali Korane eng betutab rani kotinygei ak lelutik chebo nametab asoya chekokimwaitae inendet.

Koikoitogei Korane eng betutab amut eng ofisit neo nebo kipagengeit neborien asoya nebo Ethics and Anti-Corruption Commission asi kosir logoiyot ole kokinam inendet ak keker eng Cellishekab kipagengeinatak ole koru yoto.

Kotetat kirwokchi Korane eng betutab amut kotinygei ak chorsetab rabinik Million 233.5 kobate koiyapta noto kapkirwok akoi betutab rani Tuesday.

Kosupkei ak kebeberta nebo Prosecution, ko kinyorchigei Korane rabinikchatak kigonu benkitab World Bank asi kechobee ortinwek eng taonitab Garissa koboto teksetab siret nebo Qorahey market eng oret neya.

Kabit nito eng kasarta nekokekanapta poriet kotinygei ak asoya eng Counties ole kokirwokchi governors cheterter cheboto Governor nebo Migori Okoth Obado, Governor nebo Nairobi Mike Sonko eng kwenutab Governors cheterter kotinygei ak asoya.