Kiyotei sukulisiek eng emet eng betutab rani

Kiyotei sukulisiek eng emet eng betutab rani Jumatatu.

Weeksei lagok sukul asi kotestai ak somanet kosupkei ak nekoba kamunget nebo kasarta nenuach.

Taugei termit netai nebo kenyitab 2021 eng betutab mutai, ole bwonei sukul lagok chebo clasisiek tugul cheboto chebo Grade 5.

Kapoisie kasarta nebo let eng betutab rani sigiik kwolchi lagokwai tuguk chemokotin eng somanet, ole kaiimchigei oliet nemitei barak nebo tugukab somanet.

Kiyotei sukulisiekchoto eng kasarta nekokon kurset Minister nebo somanet Prof George Magoha eng konetik cheechen komatkowoon lagok koba gaa kobate kokoch kasarta kotestai ak somanet eng kasarta nechengei sigiik chepkondok, ole kasom sigiik kolipan fees asi kotestai somanet ama eng kaimutiet age tugul.