Nga’lalet akobo lewenisietab 2022

Tesetai kobitu ngalalet neo eng emet kotinygei ak kursetab kinaktae lewenisiet neo nenyonei.

Kamwa neki kandoindetab chechang eng National Assembly Aden Duale kole magat keyai lewenisionoto eng arawetab 8 kenyitab 2022,ak kou noto komaiyanat kurset age tugul nebo kinaktae betutab lewenisiet.

Kamwa Duale kole iaroru Katiba nebo emet akobo betut nekiyoei lewenisiet, ak kou noto konyalu eng emoni kosub kit nemwoei Katiba.

Kongololi tuiyet 1 nebo kaumanik eng taonitab Garissa,komwa Duale kole mamitei amunee kinaktae lewenisiet, ole kasom kipagengeitab lewenisiet nebo IEBC kochopchigei lewenisionoto asi kosulda eng oret nenyalu.

Kobit ngalalet kotinygei ak betutab lewenisiet betusiek tutikin kongete ngogon katigonet eng emotinwekab Africa kapkirwok nebo African Court on Human Rights nemitei Arusha koyapta lewenisiosiek kosupkei ak kaimutiet nebo miondab Corona.

Kosupkei ak kapkirwok inoto, komuchi emotinwek chemitei kipagengeitab African Union (AU) koyapta lewenisiosiek angotkobit kaimutik cheechen cheimuchi konde ole ngooi sobonwekab biik, kobate komwa kole nyalu eng emotinwekchoto kosub ole mwoei ngatutikwai kotinygei ak lewenisiet.

Kaikoito kateunet Deputy Governor nebo Kirinyaga Peter Ndambiri ak neki sirindet neo eng kipagengeitab UNCTAD Dr. Mukhisa Kituyi eng kandoikab polotet komatkopoisie tilanatak bo kapkirwok komach kewal betutab lewenisiet, eng mwaet kole chobotin biikab emoni kopir kura eng arawetab 8 kenyitab 2022.

Akot kou noto ko mwaat kele mitei kandoik chekokotoi tetutik chebo kinaktae lewenisionoto.